جیل سے ہیمنت سورین کا پیام

رانچی: سابق چیف منسٹر جھارکھنڈ ہیمنت سورین نے جیل سے بھیجے گئے پیام میں جو ان کی بیوی کلپنا نے اتوار کے دن رانچی کی میگاریالی میں پڑھ کرسنایاکہا کہ بی جے پی اپوزیشن زیراقتدارریاستوں میں حکومتیں گرانے کی کوشش کررہی ہے لیکن جمہوریت کو ناکام ہونے نہیں دیاجاسکتا۔

کلپنا نے شوہر کا پیام پڑھ کرسناتے ہوئے کہا کہ اپوزیشن کی آوازدبانے اور ای ڈی اور سی بی آئی جیسی مرکزی ایجنسیوں کا بیجااستعمال کیاجارہا ہے۔

انہوں نے عوام سے خواہش کی کہ وہ بی جے پی کو باہرجانے کا راستہ دکھادیں۔ انہوں نے دعویٰ کیاکہ اگر بی جے پی پھر جیتی تو قبائلیوں کے لئے بڑا خطرہ پیدا ہوگا۔