تلنگانہ: ہاسٹل میں طالبہ کی خودکشی، رشتہ داروں کا احتجاج

حیدرآباد: تلنگانہ کے ضلع ہنمکنڈہ میں ایک جونیرکالج کی طالبہ نے ہاسٹل میں پھانسی لے لی۔

اس واقعہ کی اطلاع کے ساتھ ہی اس طالبہ کے والدین اوررشتہ داروں نے کالج پہنچ کراحتجاج کرتے ہوئے الزام لگایا کہ کالج انتظامیہ کی لاپرواہی کے نتیجہ میں اس طالبہ نے یہ انتہائی اقدام کیا۔

انہوں نے کالج انتظامیہ کے خلاف شدید نعرے بازی بھی کی۔

کل شب کئے گئے اس احتجاج کے نتیجہ میں کچھ دیر کے لئے کشیدگی پھیل گئی۔احتجاج کی اطلاع ملتے ہی پولیس وہاں پہنچ گئی ۔

جس نے احتجاجیوں کے جذبات کوسرد کرنے کی کوشش کی جنہوں نے الزام لگایا کہ کالج انتظامیہ نے اس واقعہ کی ان کو تاخیر سے اطلاع دی اورلڑکی کی لاش کوپوسٹ مارٹم کے لئے بھجوادیا۔