تلنگانہ:شادی کے گھر میں چوری کی واردات

حیدرآباد: شادی کے گھر میں چوری کی واردات پیش آئی۔تلنگانہ کے ضلع ورنگل کی وویکانند کالونی میں مکان میں داخل ہوکر چوروں نے تین لاکھ روپئے کی چوری کرلی۔

اس واردات کی شکایت انتظارگنج پولیس سے کی گئی۔

اے سرینواس نامی شخص جس کے مکان میں یہ واردات پیش آئی نے پولیس سے کی گئی شکایت میں کہا کہ وہ اپنے ارکان خاندان کے ساتھ بیٹی کو اس کے سسرال چھوڑنے کیلئے گیا تھا کہ یہ واردات پیش آئی۔سی سی ٹی وی فوٹیج کی بنیاد پر پولیس، چوروں کی تلاش کررہی ہے۔

بتایاجاتا ہے کہ پولیس نے ایک مشتبہ شخص کو حراست میں لے لیا۔ان سے پوچھ گچھ کی جارہی ہے۔گذشتہ ماہ بھی بعض مکانات میں چوری کی واردت پیش آئی تھی۔