تلنگانہ: سڑک حادثہ میں تین سالہ لڑکا ہلاک

حیدرآباد: تلنگانہ کے سنگاریڈی ضلع کے نرساپور میں ایک دلخراش سڑک حادثہ پیش آیا جس میں ایک تین سالہ لڑکا ہلاک ہو گیا۔

تفصیلات کے مطابق، چندور گاؤں سے تعلق رکھنے والے رامی ریڈی اپنی بیوی مادھوی اور تین سالہ بیٹے دھروانش ریڈی کے ساتھ چندور سے ملّم پیٹ جا رہے تھے۔

نرساپور کراس کرنے کے بعد، جب وہ سب اسٹیشن کے قریب پہنچے تو ان کی اسکوٹی سڑک کے کنارے موجود اسٹیل کی ریلنگ سے زور سے ٹکرا گئی۔ اسکوٹی کے اگلے حصہ پر بیٹھا لڑکا دھروانش ریڈی موقع پر ہی ہلاک ہوگیا۔

حادثہ میں زخمی ہونے والی مادھوی کو فوری طور پر نرساپور سرکاری اسپتال منتقل کیا گیا، جہاں ان کا علاج جاری ہے۔نرساپور کے ایس آئی لِنگم نے بتایا کہ پولیس نے مقدمہ درج کر کے مزید تحقیقات کا آغاز کر دیا ہے۔