تلنگانہ: ٹریکٹر کو کار کی ٹکر۔ ایک شخص ہلاک

حیدرآباد: تلنگانہ کے ضلع میدک میں پیش آئے سڑک حادثہ میں ایک شخص ہلاک ہوگیا۔

یہ حادثہ ضلع کے رامائن پیٹ کی قومی شاہراہ پر اُس وقت پیش آیا جب دھان کے تھیلوں کے لوڈ کے ساتھ جانے والی ٹریکٹر کو کار نے ٹکر دے دی۔

اس حادثہ میں بولیروکار کا ڈرائیور ہلاک ہوگیا اور ایک شخص شدید زخمی ہوگیا۔اسی دوران بولیروگاڑی کو پیچھے سے آرٹی سی بس نے ٹکر دے دی۔

اس حادثہ میں آرٹی سی بس میں سوار بعض مسافرین معمولی زخمی ہوگئے۔اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے جانچ شروع کردی۔