بونال تہوار کو تاریخی انداز میں منانے تلنگانہ کے وزیر ٹرانسپورٹ کا اعلان

حیدرآباد: تلنگانہ کے وزیر ٹرانسپورٹ پونم پربھاکر نےسکندرآباد میں ہونے والے اُجین مہانکالی بونال تہوار کو تاریخی انداز میں منانے کا اعلان کیا۔

انہوں نے 13 جولائی کو ہونے والے بونال تہوار کے موقع پر مندر میں درشن کے بعد مختلف محکموں کے عہدیداروں کے ساتھ ایک جائزہ اجلاس منعقد کیا۔

وزیرموصوف نے کہا کہ تمام محکمہ جات کے تال میل اور عوامی تعاون سے بونال تہوار کو کامیابی سے منایا جائے گا۔ انہوں نے کہا کہ اس مذہبی تہوار کو سیاسی وابستگیوں سے بالا تر رکھ کر منایا جانا چاہیے۔

بونال تہوار کے موقع پر لاکھوں افرادکی آمد متوقع ہے، اس کے پیش نظر وزیرموصوف نے حکام کو ہدایت دی کہ ان کے لیے تمام ضروری سہولیات فراہم کی جائیں۔