تلنگانہ: اجازت کے بغیر چھٹی، سرکاری اسکول کے دو ملازمین معطل

حیدرآباد: اجازت کے بغیر چھٹی پر سرکاری اسکول کے دو ملازمین کو معطل کردیاگیا۔یہ واقعہ تلنگانہ کے یادادری بھونگیرضلع میں پیش آیا۔تفصیلات کے مطابق کلکٹر ہنمنت راو نے رامنا پیٹ ضلع پریشد ہائی اسکول کا اچانک دورہ کیا۔

انہوں نے اس دورہ کے دوران دو ملازمین ریکارڈ اسسٹنٹ اورآفس سب آرڈی نیٹ کو بغیر اجازت کے غیرحاضر پایا۔

انہوں نے ڈسٹرکٹ ایجوکیش آفیسرکو ہدایت دی کہ کے چکراپانی اور آفس سب آرڈی نیٹ کوٹیشور کو فرائض کی انجام دہی میں لاپرواہی پر معطل کردیں۔راو نے دوپہر کے کھانے کی اسکیم کا بھی معائنہ کیا۔

انہوں نے طلبہ سے پوچھا کہ مقررہ مینو کے مطابق ان کو دوپہر کاکھانا فراہم کیاجارہا ہے۔