تلنگانہ:سڑک حادثہ میں دو افرادہلاک

حیدرآباد: تلنگانہ کے میڑچل ملکاجگری ضلع کے کیسرا منڈل مستقرکے قریب پیش آئے سڑک حادثہ میں دو افراد ہلاک ہوگئے۔

کیسراپولیس نے بتایا کہ یہ حادثہ للیتا کنونشن ہال کے قریب آج صبح اُس وقت پیش آیا جب تیز رفتار کارچلانے والے نے اس کا توازن کھودیا اور یہ کار سڑک کے کنارے درخت سے ٹکراگئی۔

اس حادثہ میں کار میں سوار دو افراد موقع پر ہی ہلاک اور دیگر تین شدید زخمی ہوگئے۔زخمیوں کی شناخت ہری پریہ، رابینا،فلپس کو علاج کے لئے اسپتال منتقل کردیاگیا۔

مہلوکین کا تعلق الوال کے لوتٹ کنٹہ سے ہے جن کی شناخت بھاویش، تریشا کے طورپر کی گئی ہے۔یہ افراد کیسرا سے الوال کی سمت جارہے تھے کہ یہ حادثہ پیش آیا۔