ہندو مہاپنچایت میں ایک عورت نے مرد کو چپل سے مارا (ویڈیو وائرل)

نئی دہلی: دہلی کے چھترپور میں ”شردھا کے لئے انصاف“پر منعقدہ ہندو مہاپنچایت میں منگل کے دن ایک عورت نے اسٹیج پر ایک شخص کو چپل سے مارا۔ ہندو ایکتا منچ نے اس پروگرام کا اہتمام کیا تھا۔

 یہ واقعہ سوشل میڈیا پر وائرل ہوگیا۔ ایک عورت کو جس کا آدھا چہرہ نیلے رنگ کی چنی (اوڑھنی) سے ڈھکا ہے‘ حاضرین ِ جلسہ سے خطاب کرتے دیکھا جاسکتا ہے۔

چند لمحہ بعد وہ اچانک اپنی چپل نکال کر اس کے بازو ٹھہرے شخص کو مارنے لگتی ہے۔ اسٹیج پر موجود دوسرے لوگ مداخلت کرتے ہیں اور عورت کو اسٹیج سے نیچے اتاردیا جاتا ہے۔ پولیس کا کہنا ہے کہ اسے اس واقعہ کی کوئی شکایت نہیں ملی ہے۔