تلنگانہ:آرٹی سی بس نہ روکنے پر دیہاتیوں کا احتجاج، ڈرائیور کو معافی مانگنی پڑی

حیدرآباد: آرٹی سی بس کو نہ روکنے پر گاوں والوں نے بس کی واپسی کے دوران اس کو روک کر احتجاج کیا جس کے نتیجہ میں بس ڈرائیور نے بس کو نہ روکنے پر معافی مانگی۔

اس کے بعدہی اس کو جانے دیا گیا۔یہ واقعہ کل شب تلنگانہ کے ضلع عادل آباد کے اندورپلی گاوں میں پیش آیا۔تلنگانہ حکومت نے مہالکشمی اسکیم کے تحت خواتین کو بسوں میں مفت سفر کی سہولت فراہم کی ہے۔

مقامی خواتین نے شکایت کرتے ہوئے کہاکہ ان کو دیکھ کر بس ڈرائیور نے بس کو نہیں روکا جس کے بعد مقامی افراد کی بڑی تعداد وہاں پہنچ گئی جنہوں نے واپسی پر اس بس کو روک دیا اوراحتجاج کیا۔

انہوں نے بس ڈرائیور کی اس حرکت پر اس پر شدید برہمی کااظہارکیا۔بعد ازاں جب ڈرائیور نے آئندہ اس طرح کی حرکت کا اعادہ نہ کرنے کی یقین دہانی کروائی تو اسے اور کنڈکٹر کو جانے کی اجازت دے دی گئی۔

اس واقعہ کا ویڈیو سوشیل میڈیا کے مختلف پلیٹ فارمس پر تیزی کے ساتھ وائرل ہوگیا۔