دنیا کے ممالک کے سامنے تلنگانہ کو مستقبل کی ریاست کے طور پر پیش کیا گیا:سریدھر بابو
آئی ٹی وزیر سریدھر بابو نے آئی ٹی، فارما، ڈاٹا سنٹرس، ای وی اینڈ بیٹری اور دیگر شعبوں پر توجہ مرکوز کرتے ہوئے کئے گئے تبادلہ خیال اور یادداشت ِ مفاہمتوں کی تفصیلات سے واقف کروایا۔
حیدرآباد: تلنگانہ کے وزیر صنعتیں سری دھر بابو نے کہا ہے کہ دنیا کے ممالک کے سامنے تلنگانہ کو مستقبل کی ریاست کے طور پر پیش کیا گیا۔ انہوں نے کہا کہ حیدرآباد 4.0منصوبہ پر وزیراعلیٰ ریونت ریڈی کے ساتھ ان کے امریکہ اور سیول کے دورہ کے دوران سرمایہ کاروں سے ہوئی بات چیت میں تبادلہ خیال کیا گیا۔
Adani’s investments ground work is going in Telangana. We will align with Congress Party’s philosophy & Ideology – Minister Sridhar Babu@RahulGandhi ji, What is your Parry’s philosophy
Welcoming Adani’s investments
— Putta Vishnuvardhan Reddy (@PuttaVishnuVR) August 17, 2024
انہوں نے ریاستی سکریٹریٹ میں میڈیا سے بات کرتے ہوئے کہا کہ حال ہی میں اختتام پذیر امریکہ اور جنوبی کوریہ کے دورہ کے دوران 35ہزار کروڑ روپے کی سرمایہ کاری کے لئے تقریباً 30 ہزار افراد کو ملازمت کے سلسلہ میں 25یادداشت ِ مفاہمتوں پر دستخط کئے گئے۔
انہوں نے کہا کہ اس دورہ کا مقصد ریاست کی کانگریس حکومت کی پالیسیوں سے واقف کروانا اور روزگار حاصل کرنا تھا۔ انہوں نے آئی ٹی، فارما، ڈاٹا سنٹرس، ای وی اینڈ بیٹری اور دیگر شعبوں پر توجہ مرکوز کرتے ہوئے کئے گئے تبادلہ خیال اور یادداشت ِ مفاہمتوں کی تفصیلات سے واقف کروایا۔ انہوں نے اعلان کیا کہ آمیزان جلد ہی ریاست میں بڑے پیمانے پر سرمایہ کاری کرے گا۔
