تلنگانہ: کڈم پروجیکٹ کے دروازے کھول کرپانی چھوڑا گیا

حیدرآباد: تلنگانہ کے ضلع نرمل کے کڈم پروجیکٹ میں پانی کا شدید بہاو درج کیاگیا جس کے بعد اس کے دروازے کھولتے ہوئے پانی کو نچلے علاقوں میں چھوڑاگیا۔

اس پروجیکٹ کے 9 دروازوں کے ذریعہ 98 ہزار 700 کیوسیکس پانی نیچے چھوڑا گیا۔

بارش کے موسم کے دوران اس پروجیکٹ میں قبل ازیں بھی پانی کا شدیدبہاودرج کیاگیاجس کے بعد اس سے پانی چھوڑاگیا۔

کڈم کے ساتھ ساتھ سری رام ساگرپروجیکٹ کے دروازے بھی کھولنے سے پداپلی ضلع کے سری پدایلم پلی پروجیکٹ میں پانی کا شدید بہاو درج کیاگیا۔اس پروجیکٹ کے 32دروازے کھول کر تین لاکھ 28ہزار918کیوزک پانی کو چھوڑاگیا۔

ایلم پلی پروجیکٹ کی مکمل سطح آب 20.175ٹی ایم سی کے برخلاف موجودہ طورپر18.8417ٹی ایم سی درج کی گئی۔