تلنگانہ میں پہلے منڈل پریشد اور بعد میں ضلع پریشد کے انتخابات منعقد ہوں گے: وزیرکومٹ ریڈی

حیدرآباد: تلنگانہ کے وزیر کومٹ ریڈی وینکٹ ریڈی نے مقامی بلدی اداروں کے انتخابات کے شیڈول پر اہم اعلان کیا۔ آج میڈیا سے بات کرتے ہوئے انہوں نے واضح کیا کہ تلنگانہ میں پہلے منڈل پریشد اور بعد میں ضلع پریشد کے انتخابات منعقد ہوں گے۔

انہوں نے مزید کہا کہ 10 ستمبر سے پہلے لوکل باڈی الیکشن کا نوٹیفکیشن جاری ہوگا اور 30 ستمبر تک انتخابات مکمل کر لیے جائیں گے۔

یاد رہے کہ تلنگانہ ہائی کورٹ کے احکامات کے تحت حکومت انتخابات کے انعقاد کے لیے تیزی سے آگے بڑھ رہی ہے اور حال ہی میں الیکشن کمیشن نے مقامی بلدی اداروں کے انتخابات کے حصہ کے طور پر ضلع پریشد اورمنڈل پریشد انتخابات کا شیڈول جاری کیا تھا۔