تلنگانہ: کار کی بائیک کوٹکر، خاتون ہلاک،11افرادزخمی

حیدرآباد: تلنگانہ کے ضلع وقارآبادمیں کار،بائیک کوٹکر کے بعد الٹ گئی۔اس حادثہ میں ایک خاتون ہلاک اوردیگر 11افرادزخمی ہوگئے۔

یہ حادثہ وقارآباد ضلع کے پرگی بلدیہ کے حدود میں ملکا پور گیٹ کے قریب اُس وقت پیش آیا جب ایک تیز رفتار ٹویرا گاڑی کے ڈرائیور نے بائیک کو امکانی ٹکرسے بچانے کی کوشش کے دوران اس کا توازن کھودیا اور یہ گاڑی، بائیک سے ٹکرا گئی۔

گاڑی کئی مرتبہ قلابازیاں کھا کر سڑک کے کنارے اُلٹ گئی۔ اس حادثہ میں اسکوٹر پر سوار ماں بیٹا شدید زخمی ہو گئے جبکہ ٹویرامیں سوار دس افراد بھی زخمی ہوگئے۔

تمام زخمیوں کو 108 ایمبولینس کے ذریعہ پرگی سرکاری اسپتال منتقل کیا گیا۔ اسکوٹر پر سوار خاتون کی علاج کے دوران وقارآباد اسپتال میں موت ہو گئی۔