تلنگانہ: ایس آر ایس پی کنال میں نہانے کے دوران نوجوان لاپتہ

حیدرآباد: تلنگانہ کے جگتیال ضلع میں ہولی کے دن ایک افسوسناک واقعہ پیش آیا۔ وِیلدورتی منڈل کے بھاوجی پلی علاقہ میں واقع ایس آر ایس پی کنال میں نہانے کے دوران ساگر گوڑ نامی نوجوان لاپتہ ہوگیا۔

بتایا گیا کہ ساگر اپنے دوستوں کے ساتھ ہولی کھیلنے کے بعد کنال میں نہانے کے لیے اترا تھا۔

پانی کا بہاؤ زیادہ ہونے کے سبب وہ بہہ گیا۔ واقعہ کی اطلاع ملنے پر رورل پولیس جائے وقوعہ پر پہنچ گئی اور ساگر گوڑ کی لاش کو دو گھنٹے تلاشی کے بعد کنال سے برآمد کرلی۔بعد ازاں نعش کو پوسٹ مارٹم کے لئے جگتیال اسپتال منتقل کردیا۔