تلنگانہ: نوجوان نے تارک راما راو کی تصویر اپنی گاڑی کے نمبرپلیٹ پر لگادی

حیدرآباد: تلنگانہ کے ضلع کھمم میں ایک نوجوان نے ریاست کی اصل اپوزیشن بی آرایس کے کارگذارصدر وسابق ریاستی وزیر کے تارک راما راو کی تصویر اپنی گاڑی کے نمبرپلیٹ پر لگادی۔یہ تصویرسوشل میڈیا پروائرل ہوگئی ہے۔

ضلع کے کارے پلی گاوں سے تعلق رکھنے والا یہ نوجوان تارک راما راو کا کٹرحامی ہے جس نے اپنی اسکوٹی کی نمبرپلیٹ پرگاڑی کا نمبرلگانے کے بجائے تارک راما راو کی تصویر لگادی جس سے تارک راما راو سے اس کی محبت کاپتہ چلتا ہے۔

اس موقع پر نوجوان نے کہا کہ دس سالہ شاندار قیادت کے ساتھ بی آر ایس پارٹی نے تلنگانہ کی ترقی کی اور دنیا کے ممالک کے لئے ایک مثال قائم کی ہے، اور وہ کے ٹی آر اور پارٹی کو بہت پسند کرتا ہے۔

اس نوجوان نے مزید کہا کہ سب لوگ چاہتے ہیں کہ بی آر ایس دوبارہ حکومت میں آئے اور کے چندرشیکھرراو اور کے ٹی آر کی قیادت میں ریاست میں ترقی دوبارہ جاری رہے۔