تلگودیشم تلنگانہ اسمبلی انتخابات میں حصہ نہیں لے گی

حیدرآباد: تلگودیشم پارٹی نے تلنگانہ اسمبلی انتخابات میں حصہ نہ لینے کا فیصلہ کیا ہے۔ پارٹی سربراہ چندرا بابو نے یہ فیصلہ کیا۔ تلنگانہ تلگودیشم پارٹی کے صدر کاسانی گیانیشورنے ان سے راجہ مہیندراورم جیل میں ملاقات کی۔

اس ملاقات کے موقع پر چندرا بابو نے کہا کہ اے پی کی موجودہ صورتحال میں وہ تلنگانہ پر توجہ نہیں دے سکتے۔ انہوں نے گیانیشورکو مشورہ دیا کہ وہ تلنگانہ لیڈروں کو بتائیں کہ ان حالات میں انہیں انتخابات کا سامنا نہیں کرنا چاہئے۔ پارٹی کے سینئر لیڈران تلنگانہ کے پارٹی لیڈران کو چندرا بابو کے فیصلہ کی تفصیلات سے واقف کروارہے ہیں۔