دہلی میں درجہ حرارت میں کمی، شدید سردی کی لہر

نئی دہلی: قومی دارالحکومت کو جمعرات کو شدید سردی کی لہر نے اپنی لپیٹ میں لے لیا، درجہ حرارت میں کمی اور سردی کی لہر جاری ہے ہندوستان کے محکمہ موسمیات کے مطابق جمعرات کو دارالحکومت بھر کے موسمی مراکز پر کم از کم درجہ حرارت 4.8 ڈگری سیلسیس اور 6.0 ڈگری سیلسیس کے درمیان رہا، جس سے لوگوں کو زیادہ سردی کا احساس ہوا محکمہ کے مطابق پالم میں صبح 8:30 بجے سب سے کم درجہ حرارت 4.8 ڈگری سیلسیس ریکارڈ کیا گیا جو معمول سے 1.7 ڈگری کم تھا۔

شہر کے بیس اسٹیشن، صفدرجنگ میں کم از کم درجہ حرارت 5.8 ڈگری سیلسیس ریکارڈ کیا گیا، گزشتہ 24 گھنٹوں میں تقریباً تین ڈگری کی تبدیلی دیکھی گئی۔

گرین زون میں کم سے کم درجہ حرارت 5.8 ڈگری سیلسیس ریکارڈ کیا گیا اور آیا نگر میں کم سے کم درجہ حرارت 5.8 ڈگری سیلسیس کے ساتھ شدید سردی کی لہر کا سامنا کرنا پڑا۔

دریں اثنا، دہلی میں ایئر کوالٹی انڈیکس (اے کیو آئی) صبح 277 پر ریکارڈ کیا گیا، جو ‘انتہائی خراب’ زمرے میں آتا ہے۔