تلنگانہ میں درجہ حرارت 44.5 ڈگری ریکارڈ

حیدرآباد: تلنگانہ کے متحدہ کھمم ضلع میں بیشتر مقامات پر درجہ حرارت میں غیر معمولی اضافہ درج کیاگیا ہے۔

ضلع میں موسم گرما کے آغاز کے ساتھ ہی درجہ حرارت میں روزبروزاضافہ دیکھاگیا۔متحدہ کھمم ضلع ان اضلاع میں سے ایک ہے جہاں ریاست میں سب سے زیادہ درجہ حرارت ریکارڈ کیا گیا ہے۔

کھمم ضلع کے موڈی گونڈہ منڈل پمی علاقہ میں سب سے زیادہ درجہ حرارت 44.3 ڈگری ریکارڈ کیا گیا۔

اسی دوران بھدرادری کوتہ گوڑم ضلع کے گاری میلا پاڈو علاقہ میں درجہ حرارت 44.5 ڈگری ریکارڈ کیا گیا، جبکہ ملکارم اور اشواپورم علاقوں میں درجہ حرارت 44.4 ڈگری ریکارڈ کیا گیا۔

محکمہ موسمیات نے اعلان کیا ہے کہ صرف ایک ہے۔دن بہ دن درجہ حرارت بڑھتاجارہا ہے جس کی وجہ سے شہری دن کے وقت گھروں سے باہر نکلنے سے خوفزدہ ہیں۔

محکمہ موسمیات نے ضلع میں ا یلو الرٹ جاری کر دیا ہے۔ محکمہ موسمیات نے خبردار کیا ہے کہ آنے والے دنوں میں درجہ حرارت میں مزید اضافہ کا امکان ہے۔