تلنگانہ میں آئندہ تین دنوں کے دوران درجہ حرارت میں اضافہ: محکمہ موسمیات

حیدرآباد: تلنگانہ میں آئندہ تین دنوں کے دوران زیادہ سے زیادہ درجہ حرارت میں بتدریج دو سے تین ڈگری سیلسیس تک اضافہ ہونے کا امکان ہے۔ محکمہ موسمیات نے اتوار کے روز یہ اطلاع دی۔

محکمہ کی جانب سے جاری روزانہ موسمی رپورٹ کے مطابق ریاست میں اگلے سات دنوں تک موسم خشک رہنے کی توقع ہے۔ گزشتہ 24 گھنٹوں کے دوران بھی تلنگانہ میں موسم خشک ہی رہا۔

رپورٹ کے مطابق اسی مدت کے دوران محبوب نگر میں سب سے زیادہ درجہ حرارت 40.5 ڈگری سیلسیس ریکارڈ کیا گیا۔