تلنگانہ کے ضلع رنگاریڈی میں خوفناک سڑک حادثہ۔20 افرادہلاک اوردیگر کئی زخمی
ٹکر کے بعد کنکر کا بھاری لوڈ بس پر گرنے سے کئی مسافر اس میں دب گئے۔ اطلاع کے مطابق اس حادثہ میں کم از کم 15 افراد ہلاک اور کئی دیگر شدید زخمی ہوگئے۔ پولیس فوراً جائے حادثہ پر پہنچ گئی اور جے سی بی کی مدد سے امدادی کارروائیاں شروع کردیں۔ دبے ہوئے افراد کو نکالنے کا کام جاری ہے۔
حیدرآباد: تلنگانہ کے ضلع رنگاریڈی میں پیش آئے خوفناک سڑک حادثہ میں 20افرادہلاک اوردیگر کئی زخمی ہوگئے۔یہ حادثہ اُس وقت پیش آیا جب تانڈورڈپو سے تعلق رکھنے والی بس کوچیوڑلہ منڈل کے مرزاپور کے قریب کنکر سے لدی ٹپرلاری نے ٹکر دے دی۔
ٹکر کے بعد کنکر کا بھاری لوڈ بس پر گرنے سے کئی مسافر اس میں دب گئے۔ اطلاع کے مطابق اس حادثہ میں کم از کم 15 افراد ہلاک اور کئی دیگر شدید زخمی ہوگئے۔ پولیس فوراً جائے حادثہ پر پہنچ گئی اور جے سی بی کی مدد سے امدادی کارروائیاں شروع کردیں۔ دبے ہوئے افراد کو نکالنے کا کام جاری ہے۔
مہلوکین میں دس مرد اور9خواتین ہیں جبکہ ایک کم عمر بھی شامل ہے۔حادثہ کے ساتھ ہی زخمیوں نے چیخ وپکار شروع کردی۔پولیس نے موقع پر پہنچ کر تین جے سی بی مشینوں کے ذریعہ راحت کاموں کا آغاز کیا۔پولیس نے 15افراد بشمول کنڈکٹر رادھا کو بچایا۔پولیس کی امدادی کارروائیوں کے دوران چیوڑلہ کے سرکل انسپکٹر سریدھر کے پاوں پر جے سی بی چڑھ گیا جس کی وجہ سے وہ زخمی ہوگئے۔ان کو علاج کے لئے چیوڑلہ کے سرکاری اسپتال منتقل کیاگیا۔زخمیوں میں تین کی حالت تشویشناک بتائی جاتی ہے۔
اطلاعات کے مطابق آر ٹی سی بس تانڈور سے حیدرآباد جا رہی تھی اور اس میں تقریباً 70 مسافر سوار تھے، جن میں زیادہ تر طلبہ اور ملازمین شامل تھے۔ بتایا جاتا ہے کہ طلبہ اتوار کی چھٹی کے بعد پیر کو اپنے گھروں سے واپس حیدرآباد کے مختلف کالجوں کی طرف جا رہے تھے۔
اس حادثہ کے بعد حیدرآباد۔بیجاپور ہائی وے پر شدید ٹریفک جام ہوگیا اور چیوڑلہ۔وقارآباد روٹ پر گاڑیوں کی لمبی قطاریں لگ گئیں۔حادثہ کا مقام دلخراش منظرپیش کررہاتھا۔
