بہادر پورہ میں ایک زیر تعمیر کامپلکس جھک گیا، مکینوں میں خوف (ویڈیو)

حیدرآباد: شہر کے علاقہ بہادر پورہ میں ایک زیر تعمیر کامپلکس جھک گیا، جسے بعد میں منہدم کردیا گیا۔

خطرے کو محسوس کرتے ہوئے عمارت کے قریب رہائش پذیر مقامی لوگوں کو محفوظ مقام پر منتقل کر دیا گیا۔ ان میں سے کچھ کے پاس فٹ پاتھ پر راتیں گزارنے کے سوا کوئی اور راستہ نہیں رہا۔

تفصیلات کے مطابق یہ عمارت حیدرآباد کے بہادر پورہ پولیس اسٹیشن کے قریب ایک گلی میں واقع ہے۔ مبینہ طور پر عمارت کی تعمیر متعلقہ حکام سے ضروری اجازت حاصل کیے بغیر کی گئی۔

تعمیراتی سرگرمیوں کے دوران عمارت کی بنیاد کمزور پڑ گئی جس کے عمارت ایک طرف جھک گئی۔ عمارت کو اب منہدم ہونے کے خطرے کا سامنا ہے۔

اس کی اطلاع ملتے ہی جی ایچ ایم سی کے عہدیدار اور پولیس موقع پر پہنچ گئے اور عمارت کو منہدم کرنے کے انتظامات کئے۔