اے سی پھٹ پڑا۔ خاتون کی موت

حیدرآباد: ہائی وولٹیج کے سبب اے سی پھٹنے سے خاتون کی موت ہوگئی۔ یہ واقعہ اے پی کے ضلع پرکاشم میں پیش آیا۔

تفصیلات کے مطابق ضلع کے چیمکورتی میں کی رہنے والی 52 سالہ سری دیوی کے شوہر وینکٹ سباراؤکی موت چارسال پہلے ہوگئی تھی۔

سری دیوی ضلع پریشد دفتر میں کام کر رہی تھی۔

وہ اپنے بیٹے سائی تیجا کے ساتھ چیمکورتی ٹاؤن کے پلاپوتھو واری اسٹریٹ میں رہتی تھی۔

دونوں ماں بیٹا گھر میں سو رہے تھے کہ اس وقت ہائی وولٹیج بجلی کی سپلائی کے باعث اے سی پھٹ گیا۔

گھر سے دھواں اٹھتا دیکھ کر پڑوسیوں نے سری دیوی اور سائی تیجا کو اسپتال منتقل کیا۔

وہ اونگول کے اسپتال میں زیر علاج تھی اور کل رات اس کی موت ہوگئی جبکہ اس کا بیٹا اسپتال میں زیر علاج ہے۔