پرانے شہر میں بی جے پی کی رکنیت سازی مہم جاری

حیدرآباد: پرانے شہر میں بی جے پی کی رکنیت سازی مہم زور و شور سے جاری ہے، جس کی نگرانی سابق ترجمان تلنگانہ بی جے پی میر فراست علی باقری کر رہے ہیں۔

مہم میں نوجوان، مرد و خواتین اور بزرگ بڑی تعداد میں آگے بڑھ کر بی جے پی کی رکنیت اختیار کر رہے ہیں۔ اس بار مہم کا ہدف پرانے شہر میں ایک لاکھ بی جے پی ارکان بنانا ہے۔

سابق وزیر متحدہ آندھراپردیش، سی کرشنایادو نے حسینی نگر دارالشفاء میں منعقدہ بی جے پی رکنیت سازی پروگرام کے دوران بزرگ شخصیت تقی حسین اور دیگر افراد کو بی جے پی کے رکن بننے کے کارڈ تقسیم کیے۔ اس موقع پر حلقہ اسمبلی چارمینار کے پارٹی انچارج پروین کمار بھی موجود تھے۔