دلہن نے دولہے میاں کے سامنے ریوالور اُٹھاکر ہوا میں کئی راؤنڈ فائر کردیئے، ویڈیو وائرل
حال ہی میں بے تحاشہ وائرل ہونے والی یہ ویڈیو اترپردیش کے ہاتھرس کی بتائی جارہی ہے جہاں اسٹیج پر بیٹھی دلہن اچانک اپنے پاس بیٹھے دولہے میاں کے سامنے پستول سے ہوا میں فائرنگ کرتی ہے۔ اس ویڈیو کو دیکھنے کے بعد یقیناً آپ کی آنکھیں بھی دنگ رہ جائیں گی۔
لکھنؤ: شادی بیاہ کی تقریبات میں تو لوگ اکثر بم پھوڑنے اور پٹاخے جلاتے ہوئے خوشی کا اظہار کرتے نظر آتے ہیں لیکن کئی جگہوں پر کچھ لوگ کھلے عام بندوق چلاتے اور شادیوں میں ریوالور لہراتے نظر آتے ہیں۔
ایسا نظارہ کب ماتم میں بدل جائے گا بتا یا نہیں جاسکتا۔ اکثر شادیوں میں بندوق سے فائرنگ کے واقعات منظرعام پر آتے رہتے ہیں۔ اس کے ساتھ ہی بندوقوں سے ہوا میں فائرنگ کرتے ہوئے لوگ دانستہ یا نادانستہ دوسرے افراد کو بھی ماردیتے ہیں۔
کچھ لوگ قانونی کارروائی کے بعد بھی اس حرکت سے باز نہیں آتے جس کی وجہ سے کئی بار خوشیوں کے آنگن موت کے سوگ میں بدل جاتے ہیں۔ سوشل میڈیا پر اکثر ایسی ویڈیوز وائرل ہوتی ہیں جنہیں دیکھ کر صارفین بھی ہنس پڑتے ہیں۔ حال ہی میں ایسی ہی ایک ویڈیو سامنے آئی ہے جس میں اسٹیج پر بیٹھی دلہن بے خوف وخطر میں پستول سے ہوا میں فائرنگ کرتی نظر آرہی ہیں۔
حال ہی میں بے تحاشہ وائرل ہونے والی یہ ویڈیو اترپردیش کے ہاتھرس کی بتائی جارہی ہے جہاں اسٹیج پر بیٹھی دلہن اچانک اپنے پاس بیٹھے دولہے میاں کے سامنے پستول سے ہوا میں فائرنگ کرتی ہے۔ اس ویڈیو کو دیکھنے کے بعد یقیناً آپ کی آنکھیں بھی دنگ رہ جائیں گی۔ ویڈیو کو دیکھ کر ایسا لگتا ہے جیسے دلہن گولیاں برسانے کی کافی عادی ہیں۔
سوشل میڈیا پر تیزی سے وائرل ہونے والی یہ ویڈیو پولیس تک بھی پہنچ گئی ہے جس کے بعد پولیس نے ویڈیوکی تفتیش شروع کردی ہے۔ بتایاجارہا ہے کہ یہ ویڈیو ہاتھرس جنکشن علاقہ کے سلیم پور گاؤں کے ایک گیسٹ ہاؤس کا ہے۔ بتایاجارہا ہے کہ دلہن کو گزشتہ جمعہ کو تقریب مکمل ہونے کے بعد اسٹیج پر لے جایاگیا۔
اس کے بعد ایک شخص اسٹیج پر دولہے کے ساتھ بیٹھی دلہن کو ریوالور دیتا ہے جس کے بعد دلہن نے بغیر کسی تاخیر کے ایک کے بعد ایک کئی گولیاں ہوا میں چلادیں۔ پولیس کے مطابق ویڈیو کی بنیاد پر مقدمہ درج کرلیا گیا ہے۔ عنقریب دلہن کے گھر والوں سے پوچھ تاچھ کی جائے گی۔
