مرکز نے تلنگانہ کی گاڑیوں کے نمبرپیٹ پر ابتدائی حروف ‘’TG”  کی منظوری دے دی

حیدرآباد: مرکزی حکومت نے تلنگانہ کی گاڑیوں کے رجسٹریشن کے لئے نمبرپلیٹ پر ”ٹی ایس“ کے بجائے ابتدائی حروف ”ٹی جی“ کی منظوری دے دی ہے۔اس سلسلہ میں مرکزی حکومت نے گزٹ اعلامیہ بھی جاری کردیا ہے۔

واضح رہے کہ متحدہ آندھراپردیش کی تقسیم کے ذریعہ تلنگانہ کی تشکیل کے بعد 2014میں اُس وقت کی ٹی آرایس حکومت نے گاڑیوں کے رجسٹریشن نمبر کے سلسلہ میں نمبرپلیٹ کے ابتدائی حروف کو ٹی ایس رکھا تھا تاہم حال ہی میں ریاست میں تشکیل پائی کانگریس کی حکومت نے ٹی ایس کے بجائے ٹی جی کو منظور کرنے کی مرکز سے درخواست کی تھی۔