اسرو کے منفرد ریکارڈ قائم کرنے والے مشن ‘اسپیڈیکس’ کی الٹی گنتی شروع ہوگی

چینائی: انڈین اسپیس ریسرچ آرگنائزیشن (اسرو) سال 2024 کو شاندار وداعی دینے کے مقصد کو ذہن میں رکھتے ہوئے اپنے ڈبل ریکارڈ قائم کرنے والے ‘اسپیڈیکس’ خلائی مشن کے لئے الٹی گنتی کا کام کل سے شروع کرے گا۔

اس کے تحت پہلی آن اسپیس ڈاکنگ ٹکنالوجی پر – اسپیڈیکس سیٹلائٹ سے جڑی ڈاکنگ اور انڈاکنگ سیریز ہےاور دوسرا پی ایس ایل وی-سی60 لانچ وہیکل پر پی او ای ایم-4 کے حصے کے طور پر 24 سائنسی تجربات کا پی ایس ایل وی-4 کا چوتھا مرحلہ شامل ہے۔پی ایس ایل وی-سی60 اسپیڈیکس مشن کا آغاز 30 دسمبر کو سری ہری کوٹا کی پہلی خلائی بندرگاہ پر پیڈ سے 2158 بجے طے ہے۔

پی ایس ایل وی مشن کے لیے الٹی گنتی کا جو کام عام طور پر 24 سے 25 گھنٹے تک کا ہوتا ہے، کل سے شروع ہونے کی امید ہے، جس کے دوران چار مرحلوں والی گاڑی میں پروپیلنٹ بھرنے کا کام کیا جائے گا۔

اسرو نے ‘ایکس’ پر ایک پوسٹ میں کہا، لانچ کے قریب ایک قدم اوربڑھاتے ہوئے اسپیڈیکس کے لانچ وہیکل کے ساتھ دو سیٹلائٹس انٹگریٹڈ ہوگئے ہیں۔ بتایا گیا، انٹیگریشن سنگ میل ہے، ایس ڈی ایس سی شار ’لفٹ آف‘ کے ایک قدم اور قریب اسپیڈیکس سیٹلائٹس کو پی ایس ایل وی-سی-60 کے ساتھ کامیابی کے ساتھ مربوط کیا گیا ہے۔

پی ایس ایل وی -سی60 پر پہلی بارپی آئی ایف سہولت میں پی ایس4 (چوتھے مرحلے کے انجن) تک پوری طرح سے انٹگریٹڈ کرکے اسے پہلے لانچ پیڈ پر لے جایا گیا۔

اسرو اپنے پہلے کامیاب خلائی ڈاکنگ کے مظاہرے کے ساتھ سال 2024 کو شاندار الوداع کرنے کا منتظر ہے، کیونکہ یہ اہم مشن ہندوستان کو چوتھا ملک بننے کے لیے آگے بڑھائے گا۔ یہ دنیا کو دکھائے گا کہ ملک پیچیدہ خلائی ڈاکنگ ٹیکنالوجی میں مہارت حاصل کر رہا ہے۔

یہ اسرو کے لیے ایک تاریخی اور بے مثال مشن ہوگا جس کے تحت اسپیس ڈاکنگ مظاہرے کے لئے دو سیٹلائٹ چیزر اور ٹارگٹ والے اسپیڈیکس لانچ کے علاوہ، اسپیڈیکس مشن کے ساتھ پی ایس ایل وی آربٹل ایکسپیریمنٹ ماڈیول-4 (پی اوای ایم) پر خلا میں ریکارڈ 24 سائنسی تجربات کئے جائیں گے۔