راجستھان میں اسمبلی انتخابات کی تاریخ تبدیل کردی گئی

جئے پور: الیکشن کمیشن نے راجستھان میں ہونے والے اسمبلی انتخابات کی تاریخ میں تبدیلی کی ہے۔ ووٹنگ اب 23 نومبر کے بجائے 25 نومبر کو ہوگی۔ حال ہی میں الیکشن کمیشن نے 5 ریاستوں کے اسمبلی انتخابات کی تاریخ کا اعلان کیا تھا۔

 جس میں راجستھان میں 23 نومبر کو ایک ہی مرحلے میں ووٹنگ کرانے کا اعلان کیا گیا تھا۔ تاہم الیکشن کمیشن نے اب شادیوں اور تہواروں کے حوالے سے ووٹنگ کی تاریخ تبدیل کردی ہے۔

تاریخ میں تبدیلی کے بارے میں کہا گیا ہے کہ دیوتھانی اکادشی کی وجہ سے ووٹنگ فیصد پر اثر پڑنے کا امکان تھا۔ اس حوالے سے کئی سیاسی جماعتوں کی جانب سے الیکشن کمیشن کو خط لکھا گیا۔ اکادشی کے علاوہ راجستھان میں بھی اس دن بڑی تعداد میں شادیاں ہونے والی ہیں۔