امریکہ کے عمر رسیدہ صدر جو بائیڈن بھلکڑ ہوگئے، یوکرینی صدر کو غلطی سے پوٹن کہہ بیٹھے (ویڈیو)

واشنگٹن: امریکہ کے عمر رسیدہ صدر جو بائیڈن بھلکڑ ہوگئے، یوکرین کے صدر زیلنسکی کو غلطی سے روس کا صدر پیوٹن کہہ بیٹھے۔ نیٹو اجلاس کے بعد اسٹیج پر خطاب میں صدر جو بائیڈن نے کہا کہ اب میں مائیک یوکرین کے صدر کے حوالے کرتا ہوں جو بہت حوصلہ مند اور پرعزم ہیں ،خواتین اور حضرات اب صدر پیوٹن بات کریں گے۔

تاہم بائیڈن نے صدر زیلنسکی کو صدر پیوٹن کہنے کی غلطی کا فوراً ہی احساس کرلیا اور کہا کہ صدر زیلنسکی، صدر پیوٹن کو ہرائیں گے۔ جھجک مٹاتے ہوئے بائیڈن نے مزید کہا کہ وہ صدر پوتن کو ہرانے پر بہت زیادہ توجہ رکھے ہوئے ہیں۔

واضح رہے کہ صدارتی انتخابات میں ری پبلکن حریف ڈونلڈ ٹرمپ سے پہلے مباحثے میں بدترین پرفارمنس کے سبب جو بائیڈن پر دباؤ ہے کہ وہ الیکشن سےدستبردار ہوجائیں جبکہ ان کی صحت کے حوالے سے بھی خدشات ہیں۔