جی 7 سربراہی اجلاس کا انعقاد کناڈا میں15 سے 17 جون تک

اوٹاوا: جی 7 سربراہی اجلاس 15-17 جون تک کناڈا کے کناناسکس میں منعقد ہوگا۔

نیوز ایجنسی سی بی سی نے یہ اطلاع دی۔

پیر کو اطلاعات کے مطابق، امریکہ، فرانس، جرمنی، جاپان، برطانیہ، اٹلی اور کناڈا کے ساتھ ساتھ یورپی یونین کے رہنما اس تقریب میں شرکت کریں گے۔

منتظمین نے ابھی تک تفصیلی معلومات فراہم نہیں کرائی ہیں۔

کناناسکس نے 2002 میں گروپ آف ایٹ (جی 8) کے سربراہی اجلاس کی میزبانی کی، جب روس 2014 میں باہر کئے جانے سے پہلے اس گروپ کا حصہ تھا۔

کناڈا کی وزیر خارجہ میلانیا جولی نے اس سے قبل کہا تھا کہ کناڈا، گروپ آف سیون کے سربراہ کے طور پر، سمندری سلامتی، پابندیوں کی خلاف ورزیوں کے خلاف جنگ، ’شیڈو فلیٹ‘ اور زیر آب انفراسٹرکچر کے تحفظ کے معاملات پر کام کرنے کا ارادہ رکھتا ہے۔