اسرائیلی فوج نے مصر سے آنے والے ڈرون طیارے کو مار گرایا

تل ابیب: اسرائیلی فوج نے مصر کی طرف سے آنے والے ڈرون طیارے کو مار گرایا ہے۔ اس امر کا اظہار اسرائیلی فوج نے ایک بیان میں کیا ہے۔

اسرائیلی بیان کے مطابق اس ڈرون کے ذریعے مصر سے اسلحہ لایا جارہا تھا۔ اس سے پہلے ماہ اکتوبر میں بھی کہا گیا تھا کہ دو ڈرون مختلف اوقات میں مار گرائے ہیں جو مصر سے اسلحہ لے کر آرہے تھے۔

تاہم بدھ کے روز مار گرائے ڈرون کے بارے میں ابھی تک کوئی تبصرہ نہں کیا ہے۔

اس سے پہلے اسرائیلی حکام کا یہ کہنا رہا ہے کہ فلسطینی مزاحمت کار زیر زمین سرنگوں کے ذریعے مصر سے اسلحہ سمگل کرتے تھے۔

مصر کا کہنا ہے کہ اس نے فلسطینیوں کے زیر استعمال زیر زمین سرنگوں کو تباہ کر دیا ہے۔