نوزائیدہ لڑکی کو کچرے کے ڈھیر میں پھینک دیاگیا

حیدرآباد: تلنگانہ کے نلگنڈہ ضلع کے کونڈاملے پلی علاقہ میں ایک نوزائیدہ لڑکی کو بے رحمی کے ساتھ کچرے کے ڈھیر میں نامعلوم افراد نے پھینک دیا۔

مقامی افرادنے جنہوں نے اس کو دیکھا، فوری طور پر پولیس اور آنگن واڑی ورکرس کو اطلاع دی جس کے بعد نوزائیدہ کو دیوراکونڈا سرکاری اسپتال لے جایا گیا۔

ڈاکٹروں نے اس کا معائنہ کرنے کے بعد اسے بہتر علاج کے لیے حیدرآباد لے جانے کا مشورہ دیا۔

ڈاکٹروں کا کہنا ہے کہ نوزائیدہ کی حالت ٹھیک ہے لیکن دودھ نہ پینے کی وجہ سے اسے تکلیف ہو رہی ہے۔ آئی سی ڈی ایس حکام نے پولیس میں شکایت درج کرائی۔پولیس نے مقدمہ درج کر کے جانچ شروع کردی۔