غزہ میں شہید ہو نے والے فلسطینیوں کی تعداد 31272 ہوئی

غزہ: غزہ پٹی پر جاری اسرائیلی حملوں سے فلسطینیوں کی شہیدوں کی تعداد 31,272 ہوگئی ہے۔ غزہ میں قائم وزارت صحت نے بدھ کو یہ اطلاع دی۔

وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو شہید اور 135 دیگر کو زخمی کیا، جس سے گزشتہ اکتوبر میں اسرائیل اور حماس کے تنازع کے آغاز سے اب تک شہیدوں کی مجموعی تعداد 31,272 اور 73,024 لوگ زخمی ہوگئے ہیں۔

اس دوران مشرق وسطی میں فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی (یو این آر ڈبلیو اے) کے کمشنر جنرل فلپ لازارینی نے تنازعات کی وجہ سے بڑی تعداد میں بچوں کے شہید ہونے کی مذمت کی۔

انہوں نے ایک بیان میں کہا ’’یہ چونکا دینے والی بات ہے۔صرف چار ماہ میں غزہ میں شہید ہونے والے بچوں کی تعداد دنیا بھر میں چار سال کی جنگوں میں شہید ہونے والے بچوں کی تعداد سے زیادہ ہے۔ یہ جنگ بچوں کے خلاف جنگ ہے۔ یہ ان کے بچپن اور مستقبل کے خلاف جنگ ہے۔‘‘

جنوبی اسرائیلی سرحد کے ذریعے اسرائیل 7 اکتوبر 2023 کو حماس کی دراندازی کے جواب میں غزہ میں حماس کے خلاف بڑے پیمانے پر حملے کر رہا ہے۔ اس حملے میں تقریباً 1200 افراد ہلاک اور 200 سے زیادہ یرغمال بنائے گئے تھے۔