وزیر اعظم نے ورچول طریقہ کار کے مطابق بھارتیہ جن اوشدی کیندر کا آغازکیا

حیدرآباد: وزیر اعظم نریندر مودی نے ورچول طریقہ کار کے مطابق بھارتیہ جن اوشدی کیندر کا آغازکیا ہے، جو شہرحیدرآباد کے کاچی گوڑہ ریلوے اسٹیشن سمیت ملک بھر میں 18 مقامات پر قائم کیا گیا ہے۔

اس موقع پر منعقدہ ایک پروگرام میں حیدرآباد ڈویژنل ریلوے منیجر (ڈی آر ایم) لوکیش وشنوئی نے کہا کہ وزیراعظم نے آج ملک بھر میں 18 پردھان منتری بھارتیہ جن اوشد ی کیندروں کا افتتاح کیا۔

انہوں نے کہا کہ اس کے ذریعہ عوام کو معیاری ادویات کم قیمت پر ملیں گی۔ یہ مراکز خاص طور پر ریلوے مسافروں، ریلوے عملہ اور اہلکاروں کے لیے بہت مفید ثابت ہوگا۔

ڈی آر ایم لوکیش وشنوئی نے افتتاحی پروگرام میں حصہ لینے والے طلبہ کو انعامات سے نوازا۔ اس پروگرام میں ریلوے افسران، عملہ اور دیگر نے شرکت کی۔