تلنگانہ کانگریس کے امیدواروں کی دوسری فہرست اندرون دو دن جاری ہونے کی توقع

حیدرآباد: تلنگانہ کانگریس کے امیدواروں کی دوسری فہرست توقع ہے کہ اندرون دو دن جاری کر دی جائے گی۔

ریاست میں 30نومبر کو 119اسمبلی حلقوں پر ہونے والے انتخابات کے سلسلہ میں پارٹی نے قبل ازیں 55امیدواروں کی پہلی فہرست جاری کی تھی اور اب پارٹی کی جانب سے دوسری فہرست کی تیاری کاکام تیزی سے جاری ہے۔

اس سلسلہ میں تمام سرگرمیاں قومی دارالحکومت نئی دہلی میں پارٹی ہائی کمان کی جانب سے کی جارہی ہیں۔

امیدواروں کے انتخاب کے لئے کافی احتیاط سے کام لئے جانے کی اطلاع ملی ہے۔

بائیں بازو کی جماعتوں کے ساتھ اتحاد اور نشستوں کا معاملہ بھی جاری ہے۔ رابطہ کمیٹی ٹکٹوں کے خواہشمندوں سے رابطہ میں ہے۔