پولیس کی توجہ ہٹانے چوروں نے فاروق کے مکان سے مسروقہ فون سدرشن کے گھر میں چھوڑدیا
شاطر چوروں نے پولیس کی توجہ ہٹانے کیلئے پہلے محمد فاروق حسین کے مکان میں جرم کاارتکاب کیا اور یہاں سے چوری کردہ سیل فون کوپڑوسی سدرشن کے گھرمیں چھوڑدیااور سدرشن کے مکان میں بھی چوری کی۔
![پولیس کی توجہ ہٹانے چوروں نے فاروق کے مکان سے مسروقہ فون سدرشن کے گھر میں چھوڑدیا](https://urdu.munsifdaily.com/wp-content/uploads/2024/07/Thief.jpg)
حیدرآباد: ناگول کے دومکانات میں سرقہ کی سنگین واردات پیش آئی۔ شاطر چوروں نے پولیس کی توجہ ہٹانے کیلئے پہلے محمد فاروق حسین کے مکان میں جرم کاارتکاب کیا اور یہاں سے چوری کردہ سیل فون کوپڑوسی سدرشن کے گھرمیں چھوڑدیااور سدرشن کے مکان میں بھی چوری کی۔
پولیس ذرائع کے بموجب ناگول کے ایس آر نگر کے رہنے والے محمد فاروق حسین کے مکان سے قفل شکنی کے ذریعہ 4تولے طلائی زیورات اور ایک موبائل فون کا سرقہ کرلیاگیااور بعدازاں ڈاکو نے ان کے پڑوس میں رہنے والے سدرشن کے مکان میں سرقہ کی واردات انجام دی۔
چوروں نے سدرشن کے مکان سے 6 تولے طلائی اورچاندی کے زیورات اور3لاکھ 10 ہزار روپیوں کا سرقہ کرلیا۔ یہ رقم اور زیورات سدرشن کی بیٹی کی شادی کے لئے تھے‘ جسے سرقہ کرلیاگیا۔
شاطر چوروں نے فاروق حسین کے گھر سے سرقہ کیاگیا سل فون سدرشن کے مکان میں رکھ دیا جس کا مقصد ناگول پولیس کی توجہ ہٹاناتھا۔
پولیس نے دونوں مکالکین سے پوچھ تاچھ کی۔ پولیس مصروف تحقیقات ہے۔