ٹرمپ کا کملا ہیرس کے ساتھ مباحثہ سے انکار، وجہ بھی بتادی
غیر ملکی ذرائع ابلاغ کے مطابق ترجمان ڈونلڈ ٹرمپ کا کہنا ہے کہ ڈیموکریٹ پارٹی نے حتمی صدارتی امیدوار کا فیصلہ نہیں کیا، مباحثے کی تاریخ ڈیموکریٹ نامزدگی کے اعلان تک طے نہیں ہوسکتی۔
![ٹرمپ کا کملا ہیرس کے ساتھ مباحثہ سے انکار، وجہ بھی بتادی](https://urdu.munsifdaily.com/wp-content/uploads/2024/07/TRUMP-DEBATES-HARRIS.jpg)
واشنگٹن: ریپبلکن صدارتی امیدوار ڈونلڈ ٹرمپ نے کملا ہیرس کے ساتھ مباحثہ سے انکار کردیا۔
غیر ملکی ذرائع ابلاغ کے مطابق ترجمان ڈونلڈ ٹرمپ کا کہنا ہے کہ ڈیموکریٹ پارٹی نے حتمی صدارتی امیدوار کا فیصلہ نہیں کیا، مباحثے کی تاریخ ڈیموکریٹ نامزدگی کے اعلان تک طے نہیں ہوسکتی۔
ترجمان ٹرمپ نے کہا ہے کہ ڈیموکریٹ پارٹی کملا ہیرس سے متعلق رائے تبدیل کرسکتی ہے، اوباما سمیت کئی ڈیموکریٹ رہنماؤں کے مطابق کملا ٹرمپ کو ہرا نہیں سکتی،ایسے ماحول میں کملا ہیرس کے ساتھ مباحثہ کی تاریخ طے کرنا مناسب نہیں۔
گزشتہ روز سابق امریکی صدر ڈونلڈ ٹرمپ کا کہنا تھا کہ نائب صدر کملا ہیرس امریکی تاریخ میں منتخب ہونے والی سب سے زیادہ لبرل سیاستدان ہیں، اگر وہ صدر منتخب ہو گئیں تو ہمارا ملک تباہ کر دیں گی۔
سابق امریکی صدر ڈونلڈ ٹرمپ نے نارتھ کیرولینا میں خطاب کرتے ہوئے کہا کہ بائیڈن انتظامیہ میں امیگریشن پالیسیز پر جو کچھ ہوا، وہ اس کی ذمہ دار ہیں۔
ٹرمپ نے کملا ہیریس پر طنز کرتے ہوئے کہا کہ تین چار ہفتے پہلے وہ بری سیاستدان تھی۔اب کہہ رہے ہیں کہ وہ بہت اچھی سیاستدان ہے۔