بی آر ایس کے خلاف کانگریس کی منفرد انتخابی مہم کالیشورم اے ٹی ایم مشین کی تنصیب

حیدرآباد: تلنگانہ کانگریس پارٹی اسمبلی  انتخابات میں حکمراں جماعت بی آر ایس پارٹی کیخلاف ایک انوکھی مہم چلاتے ہوئے چیف منسٹر کے سی آر کو بے نقاب کررہی ہے۔

کے سی آر پر کالیشورم پراجکٹ کی تعمیر میں ایک لاکھ کروڑ روپئے کی بدعنوانی کا الزام عائد کیا ہے۔ اب اس الزام کو انتخابی مہم کیلئے  استعمال کیاجارہا ہے۔

اس سلسلہ میں کئی مقامات پر کالیشورم اے ٹی ایم مشین کا آغاز کرتے ہوئے انتخابی مہم شروع کی گئی۔

اس اے ٹی ایم پر چیف منسٹر کی تصویر کے ساتھ ایک لاکھ کروڑ روپئے کے اسکام کی تشہیر کی گئی ہے اور اس اے ٹی ایم سے نکلنے والے کرنسی نوٹوں پر کے سی آر کی تصویر طبع ہے اور اس پر کے سی آر کا نام کالیشورم کرپشن راؤ(کے سی آر) درج ہے اور ان کرنسی نوٹس کو کالیشورم کرپشن ریاکٹ بینک کی جانب سے جاری کیا گیا ہے اور اسکام کو اس صدی کا سب سے بڑا اسکام قراردیا گیا ہے۔