غزہ میں اقوام متحدہ کی ٹیم کا دورہ الشفاء ہاسپٹل

اقوام متحدہ: اقوام متحدہ کی ایک ٹیم نے غزہ شہر میں الشفاء ہاسپٹل کا دورہ کیا۔ وہ اپنے ساتھ امداد لے آئی۔ زائداز ایک ہفتہ میں پہلی مرتبہ عالمی ادارہ‘ شمالی غزہ کے محصور علاقہ میں امداد پہنچا سکا۔

کوآرڈینیشن آف ہیومانیٹیرین افیرس (او سی ایچ اے)‘ ورلڈ ہیلت آرگنائزیشن (ڈبلیو ایچ او) اور یو این چلڈرنس فنڈ کی ٹیم نے الشفاۂ ہاسپٹل کا دورہ کیا۔

وہ اپنے ساتھ دوائیں‘ ویکسین اور ایندھن لے آئی تاکہ دواخانہ کام کرتا رہے۔ ٹیم نے غزہ سٹی کے مغرب میں جان بچانے والی امداد لینے کے دوران جمعرات کو زخمی ہونے والوں سے بھی ملاقات کی۔

کہا جاتا ہے کہ غزہ پٹی کے سب سے بڑے دواخانہ میں 700 زخمی شریک کرائے گئے۔ ان میں 200 ابھی بھی زیرعلاج ہیں۔