تلنگانہ بھر میں جاری غیر موسمی بارش سے فصلوں کو نقصان پہنچا

حیدرآباد: تلنگانہ بھر میں جاری غیر موسمی بارش سے فصلوں کو نقصان پہنچا۔یہ تیارفصلیں، خریدی مراکز لاگئی گئی تھیں تاہم غیرموسمی بارش کی وجہ سے یہ فصلیں بھیگ کر خراب ہو گئی ہیں۔

کسانوں کا کہنا ہے کہ آئی کے پی مراکز اور سرکاری خریداری مراکز تک جو دھان لائی گ ئی، وہ بارش کی وجہ سے خراب ہوگئی۔

وہ مطالبہ کر رہے ہیں کہ حکومت اور متعلقہ حکام فوری طور پر مداخلت کرتے ہوئے تیزی سے دھان کی خریداری کا عمل شروع کریں تاکہ ان کی محنت ضائع نہ ہو اور مالی نقصان سے بچایا جا سکے۔

خریداری مراکز پر مناسب تحفظ نہ ہونے کے باعث دھان کو نقصان پہنچ رہا ہے۔

کسانوں نے مطالبہ کیا ہے کہ حکومت ہنگامی بنیادوں پر مالی امداد کا اعلان کرے۔زرعی عہدیداروں سے اپیل کی گئی ہے کہ وہ متاثرہ علاقوں کا دورہ کرکے حقائق کا جائزہ لیں۔