جوہری ہتھیاروں کے استعمال کی دھمکیوں کی طرف فوری توجہ ضروری:فلسطینی وزیر خارجہ

غزہ: فلسطینی وزیر خارجہ ریاض المالکی نے مطالبہ کیا کہ غزہ کے خلاف جوہری ہتھیاروں کے استعمال کی اسرائیل کی دھمکیوں کو بے اثر کرنے کے لیے اقدامات کیے جائیں۔

وزیر خارجہ مالکی نے بین الاقوامی جوہری توانائی ایجنسی (آئی اے ای اے) کے ڈائرکٹر رافیل ماریانو گروسی کو ایک پیام بھیجا جس میں اسرائیل کے انتہائی دائیں بازو کے وزیر برائے ثقافتی ورثہ امیہائی الیاہو کی جانب سے غزہ کی ناکہ بندی کے خلاف جوہری بم استعمال کرنے کی دھمکی کے حوالے سے پیغام بھیجا گیا ہے۔

انہوں نے اسرائیلی وزیر کی یہ دھمکی جس میں انہوں نے غزہ پر جوہری بم گرانے کے امکانات میں سے ایک ہے‘کہا کہ یہ تمام ممالک کے لیے خطرہ ہے۔ مالکی نے کہا کہ آئی اے ای اے اور اس کے رکن ممالک کو اس مسئلہ پر فوری توجہ دینی چاہیے۔

مالکی نے مطالبہ کیا کہ ”اسرائیل کی دھمکیوں کی مذمت کی جائے اور فلسطینی عوام اور آس پاس کے ممالک کے زندگی کے حق کو درپیش اس واضح خطرہ کو بے اثر کرنے کے لیے تمام اقدامات کیے جائیں“۔

غزہ پٹی کے بارے میں اپنے تضحیک آمیز ریمارکس پر ردعمل کے بعد الیاہو نے ایک قدم پیچھے ہٹتے ہوئے دلیل دی کہ جوہری بم کے بارے میں ان کا بیان ”استعاراتی“ تھا۔