امریکی سینیٹرز نے جوبائیڈن کو فلسطینی ریاست کیلئے خط لکھ دیا

واشنگٹن: سینیٹ کے ڈیموکریٹس نے بائیڈن سے مطالبہ کیا ہے کہ وہ فلسطینی ریاست کے لیے زور دیں۔ امریکی صدر بائیڈن کے دیرینہ ساتھی ٹام کارپر کی زیرقیادت 19 ڈیموکریٹک سینیٹرز نے ایک خط میں کہا ہے کہ مشرق وسطیٰ کا بحران ایک ایسے موڑ پر پہنچ گیا ہے جس کے لیے امریکی قیادت کو ماضی کی "سہولت” سے آگے کی ضرورت ہے۔

سینیٹرز نے لکھا کہ ہم بائیڈن انتظامیہ سے فوری طور پر ایک جرات مندانہ، عوامی فریم ورک قائم کرنے کی درخواست کرتے ہیں جو ضروری اقدامات کا خاکہ پیش کرے۔

سینیٹرز نے کہا کہ وہ نیتن یاہو کے فلسطینی ریاست کے راستے پر جانے سے انکار سے خاص طور پر مایوس ہوئے ہیں آپ اور آپ کی انتظامیہ نے جو سفارتی اقدامات کیے ہیں وہ انتہائی اہمیت کے حامل ہیں اور ہم آپ سے اور بھی زیادہ کرنے کی اپیل کرتے ہیں۔

بائیڈن کو یہ خط سینیٹ کے اکثریتی رہنما چک شومر کے بعد آیا ہے جو ملک کے اعلیٰ ترین یہودی منتخب رہنما اور اسرائیل کے دیرینہ وکیل ہیں جنہوں نے غزہ جنگ پر نیتن یاہو کے طرز عمل پر تنقید کرتے ہوئے نئے اسرائیلی انتخابات پر زور دیا۔