دیوار پر چڑھی کار کا ویڈیو وائرل، پولیس نے کرین سے گاڑی کو اتارا
تلنگانہ کے ضلع میدچل میں ایک حیرت انگیز واقعہ پیش آیا۔ ایک غنودگی کے عالم میں ڈرائیور نے اپنی کار ایک گھر کی دیوار سے ٹکرا دی۔ یہ حادثہ عام سڑک حادثے سے مختلف تھا، اور یہ مناظر اب سوشل میڈیا کی حدیں عبور کر رہے ہیں۔
تلنگانہ کے ضلع میدچل میں ایک حیرت انگیز واقعہ پیش آیا۔ ایک غنودگی کے عالم میں ڈرائیور نے اپنی کار ایک گھر کی دیوار سے ٹکرا دی۔ یہ حادثہ عام سڑک حادثے سے مختلف تھا، اور یہ مناظر اب سوشل میڈیا کی حدیں عبور کر رہے ہیں۔
شمبھی پور کا واقعہ – خاندان صدمے میں یہ واقعہ دنڈیگل پولیس اسٹیشن کے تحت شمبھی پور علاقے میں پیش آیا۔
ایک غنودگی کے عالم میں ڈرائیور نے بے قابو ہو کر اپنی کار گھر کی دیوار سے ٹکرا دی۔ آدھی رات کو اچانک پیش آنے والے اس حادثے نے خوفناک شور مچا دیا تو گھر کے مالکان جاگ کر باہر نکل آئے۔ انہوں نے جس منظر کو دیکھا وہ چونکا۔
وہ اس کار کو دیکھ کر حیران رہ گئے جو گھر کے صحن میں ہونی چاہیے تھی دیوار پر چڑھی ہو ئی تھی۔مقامی لوگوں نے فوری طور پر پولیس کو اطلاع دی ٹریفک پولیس نے موقع پر پہنچ کر صورتحال کا جائزہ لیا۔
بعد ازاں دیوار پر چڑھی کار کو کرین کی مدد سے نیچے لایا گیا۔ اس واقعے کی ویڈیوز اب انٹرنیٹ پر وائرل ہو رہی ہیں۔ واضح رہے کہ مرکزی حکومت نے سڑک حادثات پر کنٹرول کر نے کے لئے قوانین میں ترمیم بھی کی ہے۔
لاپر واہی سے گاڑی چلانے والوں کے خلاف جرمانوں کی رقم میں بھی اضافہ کیا گیا ہے۔اس حادثہ میں اچھی بات یہ رہی کہ اس میں کسی کی موت نہیں ہو ئی۔ جبکہ دو افراد زخمی بتائے گئے ہیں۔ پولیس مصروف تحقیقات ہے۔
