تلنگانہ میں بی جے پی کی 20فروری سے وجئے سنکلپ یاترا

حیدرآباد: تلنگانہ میں بی جے پی پارلیمانی انتخابات میں کم از کم 10 نشستوں پر کامیابی کا نشانہ رکھتی ہے۔اس کے حصہ کے طورپر زعفرانی جماعت حکمت عملی کے تحت جیتنے پیشرفت کر رہی ہے۔

عوام تک رسائی اور موجودہ ریاستی کانگریس حکومت کی ناکامیوں کو اجاگرکرنے اور پارٹی کو نچلی سطح سے مستحکم کرنے کے مقصد سے اس ماہ کی 20 تاریخ سے وجئے سنکلپ یاترا کے نام پر رتھ یاترا نکالی جارہی ہے۔

زعفرانی جماعت نے ریاست کی 17 پارلیمانی نشستوں کو 5 کلسٹروں میں تقسیم کیا ہے اور پارٹی تمام حلقوں کا احاطہ کرنے کا منصوبہ رکھتی ہے۔

یہ رتھ یاترا پانچ کلسٹروں میں 4,238 کلومیٹر کا احاطہ کرے گی۔ و زیر اعظم نریندر مودی یاترا کے اختتام پر منعقد کئے جانے والے جلسہ میں شرکت کریں گے۔