وراٹ کوہلی کا نیا عالیشان بنگلہ، پہلی جھلک دیکھیں
وراٹ کوہلی نے انسٹاگرام پر اپنی ویڈیو کے کیپشن میں لکھا کہ ’علی باغ میں میرے گھر کو بنانے کا سفر بہت شاندار رہا اور اس کو مکمل ہوتے دیکھ کر بہت خوش ہوں۔
ممبئی: انڈین کرکٹ ٹیم کے بیٹر وراٹ کوہلی نے اپنے نئے عالیشان بنگلے کی جھلکیاں جاری کر دی ہیں۔
وراٹ کوہلی نے علی باغ میں بنائے گئے اپنے عالیشان گھر کی جھلکیاں انسٹاگرام پر ریلیز کیں۔وراٹ کوہلی نے انسٹاگرام پر اپنی ویڈیو کے کیپشن میں لکھا کہ ’علی باغ میں میرے گھر کو بنانے کا سفر بہت شاندار رہا اور اس کو مکمل ہوتے دیکھ کر بہت خوش ہوں۔ اواس کی پوری ٹیم کو یہ گھر بنانے پر شکریہ۔
اس گھر میں اپنے پیاروں کے ساتھ وقت گزارنے کے لیے بے تاب ہوں۔‘ وراٹ کوہلی نے ویڈیو میں مزید بتایا کہ انہوں نے یہ گھر اس وجہ سے بنایا ہے کہ یہاں وہ اپنی پرائیویسی کو برقرار رکھ سکتے ہیں اور یہاں چھٹی منانے کے لیے موجود تمام آسائشیں ہیں۔
وراٹ کے نئے گھرمیں شاندار انٹیریئر ڈیزائننگ کو دیکھا جا سکتا ہے جبکہ گھر میں ایک خوبصورت سوئمنگ پول بھی بنایا گیا ہے۔ انہوں نے مزید کہا کہ ’یہ بہت پُرسکون اور شاندار گھر ہے۔
اس جگہ آکر آپ سکون محسوس کرتے ہیں اور کسی چیز کی فکر نہیں کرتے۔‘
