سری سیلم پراجکٹ سے پانی چھوڑا گیا

حیدرآباد: تلنگانہ اوراے پی کے مشترکہ سری سیلم پراجکٹ کی سطح آب میں مسلسل اضافہ کاسلسلہ جاری ہے۔

عہدیداروں نے اس کے دس دروازے 20فیٹ تک کھولتے ہوئے پانی کو نچلے علاقوں میں چھوڑا۔

اس پراجکٹ میں 6لاکھ 10ہزار773کیوزک پانی کا بہاو درج کیاگیا جس کے بعد اس سے 5لاکھ 28ہزار229کیوزک چھوڑاگیا۔

اس کی مکمل سطح آب 885فیٹ کے برخلاف 882فیٹ درج کی گئی۔عہدیدار اس کی سطح آب پر مسلسل نظررکھے ہوئے ہیں۔

جاریہ بارش کے موسم میں اس سے قبل بھی اس پراجکٹ کے دروازے کھولتے ہوئے پانی کوچھوڑاگیا۔