ترکی سے اسرائیلی ریسکیو مشن وطن واپس کیوں ہوگیا؟

انقرہ: اسرائیلی میڈیا نے اطلاع دی ہے کہ اسرائیلی ریسکیو مشن کے ارکان کو ترکی میں خطرات کا سامنا تھا اور انہیں دھمکیاں مل رہی تھیں جس کی وجہ سے انہیں ترکی سے واپس بلا لیا گیا ہے۔

غیرملکی رپورٹ کے مطابق میڈیا نے دھمکیوں کی نوعیت کے بارے میں مزید تفصیلات نہیں بتائیں۔

اسی دوران اسرائیلی طبی امدادی خدمات کے لیےکام کرنے والی "یونائیٹڈ ہاتزالہ” تنظیم نے اپنے ٹوئٹر اکاؤنٹ پر کہا کہ ترکیہ میں اس کا ریسکیو مشن واپس بلا لیا گیا ہے۔ مشن جلد از جلد اسرائیل واپس آجائے گا۔

تنظیم نے کہا کہ "ترکیہ میں اسرائیلی ریسکیو اور ریلیف مشن کو ایک اہم سیکورٹی خطرے کی وجہ سے متحدہ ہتزالہ کا ریسکیو مشن ختم ہو جائے گا اور ہماری ٹیم جلد از جلد اسرائیل واپس جائے گی”۔

اس کے علاوہ ترکیہ کے ایمرجنسی مینجمنٹ ڈیپارٹمنٹ کے مطابق اتوار کو جنوب مشرقی ترکیہ میں آنے والے زلزلے کے متاثرین کی تعداد 29,605 ہو گئی ہے۔

محکمہ کے بیان میں کہا گیا ہے کہ "29,605 افراد کو ہلاکتوں کی فہرست میں شامل کیا گیا ہے اور ہمارے 147,934 شہریوں کو زلزلے سے متاثرہ علاقوں سے دوسرے صوبوں میں منتقل کیا گیا ہے۔”

قابل ذکر ہے کہ گذشتہ پیر کو آنے والے زلزلے نے ترکیہ اور شام کے قصبوں اور شہروں کے بڑے علاقوں کو تباہ کر دیا تھا جس میں کم از کم 30 ہزار افراد ہلاک ہوئے ہیں۔ ہلاکتوں میں اضافے کا خدشہ ظاہر کیا جا رہا ہے۔