چین کے معاملہ پر مودی اپنے خاموشی کیوں نہیں توڑتے: راہول، کھڑے

نئی دہلی: کانگریس کے صدر ملکارجن کھرگے اور پارٹی کے سابق صدر راہول گاندھی نے منگل کو کہا کہ اروناچل پردیش میں ہندوستانی علاقے کا چین نے تین بار نام تبدیل کیا ہے، لیکن وزیر اعظم نریندر مودی اس معاملے پر خاموش ہیں اورکچھ بھی بولنے کو تیارنہیں ہیں۔

راہول گاندھی نے ٹویٹ کیا، ”بیس ہزار کروڑ روپے کی اڈانی کی شیل کمپنیوں میں کس کی بے نامی رقم کس کے ہیں – وزیر اعظم خاموش، کوئی جواب نہیں۔ دو ہزار مربع کلومیٹر زمین چین نے چھین لی، جگہوں کے نام بھی بدل رہے ہیں – وزیر اعظم خاموش، کوئی جواب نہیں وزیراعظم صاحب اتنا ڈر کیوں“

کھڑگے نے کہا کہ ”چین نے تیسری بار اروناچل پردیش میں ہمارے علاقوں کا’نام تبدیل کرنے‘ کی ہمت کی ہے–21 اپریل 2017- 6 مقامات، 30 دسمبر 2021-15 مقامات، 3 اپریل 2023-11 مقامات۔ اروناچل پردیش ہندوستان کا ایک اٹوٹ حصہ ہے اور رہے گا۔ گلوان کے بعد، مودی جی کے ذریعے چین کو کلین چٹ دینے کے نتائج ملک بھگت رہا ہے۔“

کانگریس کے کمیونیکیشن ڈپارٹمنٹ کے انچارج جے رام رمیش نے بھی ٹویٹ کیا، ”چین نے 2017 کے بعد تیسری بار اروناچل پردیش میں جگہوں کے نام تبدیل کیے ہیں۔ اروناچل پردیش ہمیشہ سے ہندوستان کا اٹوٹ اور ناقابل تقسیم حصہ رہا ہے اور رہے گا۔چینی تجاوزات پر وزیر اعظم کی خاموشی اسے ایسی حرکتیں کرنے کی ترغیب دیتی ہے۔“