بنگلورو ہاسٹل میں خاتون كا بے دردی سے قتل، ملزم گرفتار (خوفناك ویڈیو)

بنگلورو: بنگلورو ہاسٹل سنسنی خیز قتل کیس کی تحقیقات کرتے ہوئے پولیس نے ملزم کو مدھیہ پردیش سے گرفتار کرلیا ہے۔پی جی ہاسٹل کورامنگالا میں 24سالہ خاتون کے سنسنی خیز قتل کا مسئلہ موضوع بحث بنا ہوا تھا ملزم کو گرفتار کرنے کیلئے خصوصی ٹیمیں تشکیل دی گئی اور آخر کا ر ملزم کو مدھیہ پردیش سے گرفتار کرلیا گیا ہے جس کی شناخت ابھیشیک کی حیثیت سے کی گئی ہے۔

ذرائع نے آج اس تعلق سے توثیق کی ابھیشیک جس نے کیرتی کماری کو چاقو سے ضربات پہنچا کر ہلاک کردیا تھا اس کے بعد مدھیہ پردیش کو راہ فرار اختیار کرلی تھی اسنے اپنا موبائیل فون بند کردیا تھا ذرائع نے بتایا کہ قتل کی یہ واردات 23جولائی کی رات کو پیش آئی تھی۔

مہلوک کیرتی کماری جو کہ بہار کی رہنے والی تھی ایک خانگی کمپنی میں خدمات انجام دے رہی تھی۔ابتدائی تحقیقات مین اس بات کا انکشاف ہوا ہے کہ قاتل ابھیشیک بھوپال مدھیہ پردیش کا رہنے والا ہے ابھیشیک کے تعلقات کیرتی کماری کے دوست اور رفیق سے تھے ابھیشیک کی گرل فرینڈ کا تعلق مہاراشٹرا سے ہے۔

ابھیشیک پی جی ہاسٹل جایا کرتا تھا اور اکثر بھوپال سے بنگلورو کا سفر کیا کرتا تھا تاکہ اپنی گرل فرینڈ سے ملاقات کرسکے دونوں میں تلخیاں پیدا ہوگئی اور مہلوک کی دوست نے اس کو نظر انداز کردیا جس کے بعد ابھیشیک پی جی ہاسٹل آیا اور بحث وتکرار کرنے لگا۔

کیرتی کماری نے اپنی دوست کو نئے پی جی ہاسٹل منتقل ہونے میں مدد دی اور دونوں نے اس کے کالس کو نظر انداز کردیا اس صورتحال سے برہم ابھیشیک پی جی ہاسٹل آیا جہاں کیرتی قیام کررہی تھی اور چاقو سے ضربات پہنچا کر اس کا قتل کردیا۔خاتون کے قتل کے بعد آئی ٹی سٹی میں لاکھوں خواتین کے تحفظ پر تشویش کااظہار کیا گیا پینگ گیسٹ اکوموڈیشن قتل کے اصل مشتبہ ملزم کو گرفتار کیا گیا جہاں پر کیرتی ایک دوسری خاتون کے ساتھ رہتی تھی۔