حیدرآباد کے بوئن پلی میں زیر تعمیر عمارت سے گر کر مزدور ہلاک

حیدرآباد: حیدرآباد کے بوئن پلی میں زیر تعمیر عمارت سے گر کر مزدور ہلاک ہوگیا۔

منگل کی صبح بوئن پلی علاقہ میں ایک زیر تعمیر عمارت کی دوسری منزل پر کام کرتے وقت ایک مزدور کا پاؤں پھسل گیا، جس کے نتیجہ میں وہ عمارت سے نیچے گر پڑا۔

گرنے کے نتیجہ میں وہ ہلاک ہوگیا۔۔مقامی افراد کی اطلاع پر بوئن پلی سی آئی، ڈی آئی سردار نائیک، اور ایس آئیز شیوشنکر و گِری دھر نے کلوز ٹیم کے ساتھ موقع پر پہنچ کر تمام زاویوں سے تحقیقات کا آغاز کیا۔

ابتدائی جانچ میں پتہ چلا کہ اس مزدور کو شراب نوشی کی عادت تھی، جس کی تصدیق اُس کی بیوی اور بیٹے نے بھی پولیس کے سامنے کی۔مقام واقعہ سے شراب کی خالی بوتلیں بھی برآمد ہوئیں۔